كلام مهم للبنات فى فتره الخطوبه
الى اى بنت مقبله على الخطوبه
لو ربنا فك عقدتك واتخطبتى
اجمل مافى الخطوبه العزومات الرومانسيه على احلى محلات اكل فى البلد
واللى عمرك مانتى شايفاها بعد الجواز
المهم فى اى عزومه مع خطيبك قلنا رقه
تكونى بتعرفى تمسكى الشوكه والسكينه
* العيش *
يتقطع بالشوكه والسكينه فى الطبق
وبعدين تاكله لقمه لقمه بالعافيه ال يعنى نفسك مسدوده
امسكى اعصابك جدا ولما تروحى البيت ابقى كلى براحتك
* الشوربه *
بند الشوربه مهم جدا
الشوربه تتشرب من غير صوت خالص
من غير ماتقعدى تنفخى فيها
وتنسى طبعا السلطانيه اللى بتحطيها على بقك وتدلدقى على روحك فى البيت
الشوربه تتشرب بالمعلقه وبدون صوت حتى لو سخنه مولعه برده بدون صوت
وتسيبى شويه فى الطبق مش تشربيها لاخر نقطه
* المكرونه *
المكرونه الاسباكتى بالشوكه تتلف على طرف الشوكه لحد ماتخلص
وبعدين تحطيها فى بقك من سكات
مش تشفطى المكرونه عود عود
* البطاطس *
سواء مسلوقه او محمره اوعى تهرسيها وتحطيها على الرز وتاكلى بالشوكه حته حته
* الفاكهه *
لو الفاكهه فيها بذر تطلعيه من بقك بالراحه وتحطيه فى ايدك وهيه مقفوله
وبعدين تحطيه فى طفايه السجاير اللى على الترابيزه
اوعى نظام التفتفه للبذر
انسى الحكايه دى خالص
ولما تخلصى تحطى ايدك على بطنك اللى بتصوصو من العينات اللى انتى اكلتيها
وتقوليله مش ممكن انا عمرى مااكلت اوى كده
انا قدامى اسبوع هبطل فيه اكل
وبعدين تمسكى الفوطه وتبوسيها ال يعنى بتمسحى بقك
وبعدين تستأذنى لدخول التواليت لاصلاح ميكياجك
وتدخلى التواليت وتطلعى من شنطه ايدك لفه الفول والطعميه اللى جايباها معاكى
وبالهنا والشفا
الجمعة أغسطس 21, 2009 1:45 pm
نورت التوبيك
