حاجات بيقولها الشباب للبنات

حاجات بيقولها الشباب للبنات



حبيبتى انتى عارفه مش بحب حركات الشباب الطايش

انا اصلا مبكلمش بنات

( وتلاقيه يعرف طوب الارض )


***********************


ياه ياحبيبتى انا حاسس انى اعرفك من زمان

( وتلاقيه متلخبط بينها وبين بنت كان يعرفها قبل كده )


************************


حاسس ان فيكى حاجه غريبه غير كل البنات

(كأنها مثلا يعنى بتمشى على ايديها ورجليها )


*************************


انا حاسس ان فيه تشابه كبير بين افكارى وافكارك

احنا اكيد مخلوقين لبعض

(اكيد دى البنت رقم 100 اللى يقولها كده كأن كل بنات الدنيا مخلوقين علشانه )


**************************


ياه ياحبيتى انتى تؤمرى وانا انفذ اللى انتى عايزاه اجبهولك

( فى المشمش )


***************************


حبيبتى الطقم اللى انتى لابساه دا تحفه

بس متلبيسيهوش تانى عشان بتبقى حلوه

وانا بغيييييييير بغيييييييييير

(طبعا فاهمين الحركات دى وتلاقيه مش عاجبه اساسا )


***************************


عاوز اشوفك كل يوم كل ساعه كل ثانيه

( عشان اصحابه يتأكدوا انها حلوه )


****************************


حبيبتى افتكرى دايما انى لما بحب بحب بجد

وانا حبيتك بجد من اول ماشوفتك

وكنت بدور عليكى من زمان

( بفففففففف الاسطوانه المشروخه )


****************************


اسف ياحبيبتى امبارح مقدرتش اكلمك كنت مشغول فى المذاكره

( قصده معهوش فلوس او مشغول مع واحده تانيه )


*****************************


اسف ياحبيبتى انى مقدرتش اجى فى الميعاد امبارح

كان عندى ظروف صعبه

(معزور الولد افتكر ميعاد البنت التانيه اللى بقاله 3 اسابيع مأجله )


*****************************


عارفه ياحبيبتى انا طول الليل مانمتش قاعد بفكر فيكى

ترد عليه تقوله امال مين اللى كان نايم ومبيردش على التليفون

بس كالعاده الرد جاهز يقولها

ياه انتى تقصدى الخمس دقايق اللى نمتهم دول

دول من كتر التفكير فيكى جالى غيبوبه


*************************