معاك الدنيا وخدانى
لفرح كبير بيملانى
و باكتب فى السما اسمك
الاقى الشمس حضنانى
***
طيور الحب صاحبتنى
حبيتــــها و حبتنــــى
عشان يوم ما ابتدى حبك
ملامح حزنى سامحتنى
***
و صالحت الحياة وياك
و حبتها عشان عشقاك
خلاص البسمة عرفتنى
و عشقتنى عشان عرفاك
***
حتفضل ضحكتى عيدك
ينام خدى على ايدك
نقول للحب مش بنخاف
أكيد حنعيش و حنعيدك
***
طردنا الليل و احزانه
قتلنا الخوف واوهامه
حفرنا كتاب على الأشجار
و نظرة عشق عنوانه
***
عيونك هى مرسايا
و بحرك موجه جوايا
حعوز ايه تانى م الدنيا ؟
عليّا بس ده كفاية
***
حعيش رحالة فعيونك
و ححضن فى الهوى جنونك
بحبك فوق ما تتصور
و حبى حيبقى و يصونك
=============================
تحـــــــــــياتى لكم
******************************
الأحد أغسطس 09, 2009 11:08 pm
