حوار يجنن بين خطيب وخطيبته وحماته
الخطيب : بحبك
(ياساتر)
الخطيبه : وانا كمان
(داهيه تاخدك)
الخطيب : من اخر مره شوفتك فيها وانا بفكر فيكى
(يارب تغورى من وشى)
الخطيبه : ياحبيبى وانا كمان مبطلتش تفكير فيك
(اللهى اصبح الصبح الاقيك متنيل بعيد عنى)
الخطيب : امال فين حماتى مش شايفها يعنى
(الحربايه الكبيره)
الخطيبه : موجوده اندهالك
(عشان تسم بدنك بشويه كلام)
الخطيب : اه طبعا ياحبيبتى وانا اقدر استغنى
(يارب تتكعبل فى السجاده وهيه جايه)
الخطيبه : ماما تعالى كلمى
(على الله تقولك حاجه ترفع الضغط)
الخطيب : اهلا بيكى ياحماتى ازيك
(اللهى ماتكونى بخير)
الحماه : اهلا بيك ياخطيب بنتى
(بلا نيله)
الخطيب : عندى ليكم خبر حلو انا لقيت شقه
(اللهى ماتوعوا انتى وبنتك تشوفوها)
الحماه : الف مبروك يابنى
(ياما جاب الغراب لامه)
الخطيب : هنروح نشوفها بكره ايه رأيك
(على الله تتكعبلى على السلم وانتى طالعه)
الحماه : وماله طبعا لازم نشوفها
(اكيد قد الحق وفى منطقه معفنه)
الخطيب : على فكره ياحماتى
(جتك حمه)
الحماه : ايه ياخطيب بنتى
(خطيب الندامه)
الخطيب : انا كنت عاوز اقابل عمى علشان كتب الكتاب
(عمى ال عمى ال دا انتى اللى عمى)
الحماه : وماله يابنى بس مش لسه بدرى
(جتك نيله مستعجل على ايه)
الخطيب : ماهو خلاص ياحماتى احنا قربنا
(يارب ترفض علشان افركش ام الجوازه دى)
الحماه : طب يابنى لما يجى عمك هقوله
(جتك نيله علشان نستريح من زيارتك الغلسه)
الخطيب : طيب ياحماتى انا همشى دلوقتى
(افففففف انا اتخنقت من الست دى)
الحماه : ماهو لسه بدرى
(فى ستين داهيه)
الخطيب : باى ياحبيبتى
(حبك برص)
الخطيبه : مع السلامه ياحبيبى
(البلد اللى تودى)
الخطيب : كلمينى فى التليفون
(يارب يقطعوا الحراره)
الخطيبه : اكيد ياحبيبى
(غور بقه)
الأربعاء أغسطس 26, 2009 5:18 pm
نورتى التوبيك ياكميله انتى