الربع جنيه
كان فيه واحد معاه ربع جنيه
ومش عارف يعمل بيه ايه
يشرب عصير قصب ولا يركب الاتوبيس
فقال
انا لو ركبت الاتوبيس هيبقى فيه حل من الاتنين
ياما هقعد ياما هقف
لو وقفت مفيش مشكله
لو قعدت هيبقى فيه حل من الاتنين
ياما هيقعد جمبى راجل ياما هتقعد جمبى ست
لو قعد جمبى راجل مفيش مشكله
لو قعدت جمبى ست هيبقى فيه حل من الاتنين
ياما هنعجب ببعض او مش هنعجب ببعض
لو ماعجبناش ببعض مفيش مشكله
انما لو اعجبنا ببعض هيبقى فيه حل من الاتنين
ياما هنتجوز ياما مش هنتجوز
لو متجوزناش مفيش مشكله
لو اتجوزنا هيبقى فيه حل من الاتنين
ياما هنخلف ياما مش هنخلف
لو مخلفناش مفيش مشكله
لو خلفنا هيبقى فيه حل من الاتنين
ياما هنخلف ولد ياما هنخلف بنت
لو خلفنا بنت مفيش مشكله
لو خلفنا ولد هيبقى فيه حل من الاتنين
ياما هيبقى كويس او مش كويس
لو كويس مفيش مشكله
لو مش كويس هيبقى فيه حل من الاتنين
ياما هيدمن ياما مش هيدمن
لو مش هيدمن مفيش مشكله
لو ادمن هيبقى فيه حل من الاتنين
ياما هيبقى معاه فلوس ياما مش هيبقى معاه فلوس
لو معاه فلوس مفيش مشكله
انما لو مش معاه فلوس هيبقى فيه حل من الاتنين
ياما هيسرقنى او هيقتلنى
لو سرقنى مفيش مشكله
لكن لو قتلنى
يقتلنى !!!!!
لا انا اشرب عصير القصب احسن
الجمعة أغسطس 21, 2009 11:28 am
