المذيع : احببتك حبا لم يحبه حبوب لاحد من الحبايب بكل الحب هنتكلم عن الحب
مستمعينا نرحب بيكوا فى حلقتنا النهارده ونقول الو
المتصله : الو (بصوت رقه مصطنع طبعا لان خايفه ابوها يصحى)
المذيع : نتعرف بيكى
المتصله : انا عنايات
المذيع : ازيك ياعنايات بنرحب بيكى وعاوزين نعرف ايه مشكلتك
عنايات : انا مشكلتى انى مش عارفه الاقى الحب الحقيقى
ارتبطت بـ 7 شباب فى سنه اولى
لكن فى كل مره مكنتش بلاقى الفارس اللى هيخطفنى على الحصان الاخضر
المذيع : قصدك الحصان الابيض
عنايات : لا انا بحب الاخضر اكتر
المهم انا اتخطيت المحنه دى وقولت ابدأ حياتى من جديد لما كنت بعيد سنه اولى
بس برده ملقتش الانسان الكويس فى الـ 5 شباب اللى ارتبطت بيهم
المذيع : طب وعملتى ايه بعد كده ياعنايات
عنايات : قولت استقر واتجوز يمكن الاقى الحب الحقيقى مع اللى انا هتجوزه
المذيع : طيب ده كلام كويس اوى
اهو تلاقى على الاقل حد يلمك
عنايات : ماهو المشكله برده انى ملقتش الاستقرار فى الـ 4 مرات اللى اتجوزت فيهم
المذيع : ممممممممممم
عنايات : تفتكر يااستاذ المشكله فى ايه
انا حاسه ان العيب مش فيا
بس مش عارفه العيب فى مين
المذيع : عنايات انتى مشكلتك انك محتاجه الحنان
لانك وانتى صغيره مامتك مكنتش بترضى تجبلك بسكويت
وعلاجك انك تواجهى امك بمشكله البسكويت
وقتها بس هتحسى بالامان والحنان
عنايات : انا مش عارفه اشكرك ازاى على تفسيرك للموضوع
ده فعلا اللى انا حاساه
وده هيحل مشكلتى اكيد مع الـ 2 اللى انا ماشيه معاهم دلوقتى
المذيع : بنشكرك عنايات ونسمع دلوقتى اغنيه رومانسيه بعنوان ( العنب )